Pulis wanted sa pamamaril sa ka-live in

Dala ng sobrang kalasingan at init ng ulo, binaril ng isang pulis-Maynila ang live-in partner nito matapos ang pagtatalo kamakalawa ng gabi sa Tondo, May­nila.

Ang biktimang si Teresita Katipunan, 32, residente ng 2941 Banal Street, Tondo ay gi­nagamot sa Chinese General Hospital  sanhi ng tama ng bala sa ka­nang  hita.

Pinaghahanap na­man ng pulisya ang  sus­­pek na si PO3 Gary Salcedo, nakatalaga sa  Manila Police District -Mobile Patrol Unit (DMPD) na tumakas  matapos ang pama­maril.

Lumalabas na nag­karoon umano ng ma­initang pagtatalo ang suspek at biktima nang  tumanggi umano ang huli sa kahilingan ng una na iurong na ang  reklamong isinampa laban sa kanya at pin­san nito.

Bunsod ng sobrang init ng ulo at umano’y  ka­­la­­singan, mabilis na nagbunot umano ng baril ang suspek at bi­naril ang  biktima. (Grace Amargo Dela Cruz)