2 ‘hold­aper’ na parak, timbog

Dalawang pulis-Maynila ang inaresto ng kanilang ka­­samahan dahil sa gina­wang panghoholdap ng  halagang P35,000 cash at alahas mula sa isang ne­ gosyante sa Ton­do, Maynila  kama­kalawa ng hapon. 

Ang mga suspect na pulis ay nakilalang sina  PO2 Romeo Relox at PO1 Rommel Macaspac, kapwa nakatalaga sa MPD-Station 10 (Pandacan) dahil sa rek­lamo ni Dolorez Nuñez, 49, ng 2783 Anacleto St., Tondo. 

Batay sa report, da­kong alas-4:30 ng hapon nang arestuhin ang mga suspek sa kanto ng Beata at Za­mora Sts.Pandacan. 

Sa ibinigay na testi­monya ng biktima, dakong alas-12 ng tanghali ay sakay siya ng isang tricycle na minamaneho ni Bernabe Humaga subalit pagsapit sa kanto ng Jose Abad Santos at Tecson Sts., Tondo ay  hi­narang sila ng mga sus­pect na nakasuot ng t-shirt ng MPD sakay ng isang asul na Honda motorcycle at nag­­labas ng baril. Puwer­sahang kinuha sa kanya ang halagang P35,000 cash  at gin­tong necklace na nag­kaka­halaga ng P12,000.  (Grace dela Cruz)