Pulis na holdaper tiklo

Nadakip ng mga ta­uhan ng  Manila Police District ang isang pulis-Bicutan habang pi­nagha­hanap pa ang dalawa pa nitong kasa­mahan na umano’y sang­kot sa pang­­hoho­ldap at pagpatay sa may-ari ng isang kum­panya matapos na mag­with­­draw ang biktikma ng P250,000 cash sa isang sangay ng bangko no­ong Biyernes ng umaga sa Tondo, Maynila.

Kinilala ng MPD ang suspek na si PO1 Ruben Baratas, 31, na­katalaga sa National Capital Regional Office sa Camp Bagong Diwa, Bicutan, Taguig City.  Pansaman­ta­­lang hindi pa pinapa­ngala­nan ang dalawang ka­­sam­ahan nito habang pinag­ha­hanap pa. Na­dakip si Ba­ratas sa barracks ng headquarters ng NCRPO sa Camp Bagong Diwa.

Gayunman,   itinanggi ni Baratas ang akusasyon at sinabing nang maga­nap ang panghoholdap ay na­mimili umano sila ng scrap materials. Ma­gu­gunita na nag-”withdraw” ng ha­lagang P250,000 mula sa isang bangko ang biktima nang harangin sila sa daan ng mga suspek na  magka­angkas ng mo­torsiklo. Kinuhang pilit umano ng isa sa mga sus­pek ang pera na hawak ng biktima subalit nang tu­manggi ito ay binaril ng isa pang suspek. (Grace Amargo-dela Cruz)