Bugbog-sarado na ay kalaboso pa ang inabot ng isang kilabot na miyembro ng Sigue-Sigue Sputnik Gang nang maabutan siya at kuyugin ng taumbayan sa pagtakas niya makaraang holdapin niya ang isang 40-anyos na ginang sa loob ng isang pampasaherong jeep kamakalawa ng gabi sa Pasay City. Namumutitik sa pasa, bukol at hindi halos makagulapay nang pagtulungang bitbitin ng taumbayan sa Station Intelligence and Investigation Unit ng Pasay City Police ang suspek na si Hernan dela Cruz, 29, binata, ng 849 Tengco St., Malibay ng nasabing lungsod. (Rose Tesoro)