P12-M reward ibinigay ng  PDEA sa mga impormante

Bilang pagtupad sa re­ward system  ng pama­ha­laan, ibinigay na ng Philip­pine Drug Enforce­ment Agency (PDEA) ang tina­tayang P12 milyong pa­buya sa mga sibilyang im­pormante na nagbigay ng impormasyon para sa pag­kakatuklas ng mga shabu laboratory at bo­dega sa buong bansa.

Pinangunahan ni Di­rec­tor General Dionisio San­tiago ang pagbibigay ng kabuuang P12,302,735 na mone­tary reward sa 29 na mga impormante sa PDEA Headquarters ka­maka­lawa ng hapon. Ang kooperas­yon ng naturang mga im­por­man­te ay nagresulta sa pag­ka­­katuklas sa pitong shabu laboratory; isang bodega ng shabu; pagka­kakum­pis­ka ng 1,299 kilo ng shabu; 42,209 litro ng mga iligal na kemikal; 3,688 kilo ng ephe­­drine; 91,443 kilo ng mari­juana at 993 gramo ng cocaine.

Nagresulta rin ang ibi­nahaging impormas­yon sa pagkakaaresto sa 57 mga personalidad sa droga ka­ bilang na ang siyam na Chi­nese/Taiwa­nese na­tionals.  Tatlo ring Chinese nationals na naaresto ang kabilang sa wanted list  ng mga kila­lang manufacturer at traf­ficker  ng droga sa buong Asya.

Umabot rin sa 16 na ma­tagumpay na buy bust operation at tatlong ope­ras­yon sa pagkakasabat sa trans­portasyon ng ma­ri­juana ang naging resulta ng pakikipagtu­lungan ng mga impor­mante.

Nabatid na sumailalim muna sa masusing deli­be­­rasyon ng Private Eye Re­ward Committee ang pag­bi­bigay ng naturang reward money upang ma­tiyak na na­rarapat ang mga bibig­yang impor­mante.  (Danilo Garcia)