Government urged to open up steel industry

Tinakasan ng isang ginang ang nararanasang hirap sa buhay sa pamamagitan ng pagpapatiwakal nang magbigti ito sa loob ng kanyang bahay, kamakalawa ng gabi sa Quezon City.

Sa ulat ng Quezon City Police District-Criminal Investigation and Detection Unit (CIDU), nakilala ang nasawi na si Rosemarie Valdez, 23   at residente ng #228 Banlat Road, Brgy. Tandang Sora, ng naturang lungsod.

Nabatid na natagpuan ang bangkay ng biktima ng kanyang bayaw na si Raymund Valdez dakong alas-10 ng umaga sa loob ng kanyang bahay na nakabigti sa kisame gamit ang isang nylon cord.

Ayon sa ulat, may ilang oras nang patay ang biktima bago ito matuklasan.  Isang suicide letter ang natagpuan sa loob ng bahay na nagsasabi na kahirapan at pagkabaon sa utang ang naging dahilan ng pagpapasya niya na wakasan na lamang ang sariling buhay. (Danilo Garcia)