Concepcion urges government to put cap on peso-dollar rate

Natangayan  ng  ha­los isang milyong piso ang kolektor ng Petron Corp. matapos na ha­ra­­ngin ang sina­sak­yang van at hol­dapin ito sa San Mar­celino St., Maynila, kahapon.

Ayon sa imbestigas­yon ng Manila Police Dis­trict (MPD), ang in­sidente ay naganap dakong alas-6:45 ng umaga sa panu­lukan ng San Marcelino at Pedro Gil kung saan  hi­na­­rang ng mga sus­pect ang mga biktima na noon ay sakay ng isang Nissan Urvan na may plakang WTV 619 na sinasak­yan ng ko­lektor ng Petron na si Cristina Cruz, cashier.

Kasama ni Cruz sa loob ng van na sina­sak­yan nito ang apat na empleyado pa ng Petron at ang driver na nakila­lang si River Pablo Re­moto, 44, driver ng Petron. La­king gulat na la­mang umano ng mga  emple­yado nang bigla silang harangin  at pa­su­kin ng mga suspects sa van.

Mabilis umanong ki­nuha ng mga suspects ang  kahon  ng  zesto na pi­naglalagyan  ng P900,000. na kinita ng Petron mula sa iba’t ibang branch nito.

Tinitingnan ng pulis­ya ang anggulo na in­side job lalo na sa driver na si Remoto na tanging naka­kaalam sa dalang pera.

Malaki rin ang ipi­nag­tataka ng pulisya na pa­laging sa  balikat lamang binabaril ng mga holda­per si Re­moto gayung pang-apat na beses nang na­hoholdap ang Petron na ito palagi ang siyang nagmama­neho ng ser­vice car ng Petron.

Narekober naman ng pulisya ang anim na empty shell mula sa .45 baril  ng mga suspects. Pinaghihinalaan na­man na mga miyem­bro ng harurot gang ang mga ito. (Grace Amar­go dela Cruz)