Why can’t we trust the Comelec anymore?

Napisak ang ulo at agad na nasawi ang isang 30-anyos na pahinante habang nasa kritikal na kundisyon sa isang pagamutan ang da­lawa niyang kasama nang madaganan sila ng isang trailer truck at ng kargamento nitong tone-toneladang kar­ton sa EDSA sa Magallanes, Barangay San Lorenzo, Makati City kahapon ng madaling-araw.

Namatay sa pinang­ya­rihan ng aksidente si Marcel Gupa, stay-in worker,  ng Valenzuela City dahil sa pagkapisak ng kanyang ulo at katawan.

Kasalukuyang ginagamot sa Ospital ng Makati ang ibang biktimang sina  Alfredo Garcia, 38, at Charlie Ma­darang, 35, stay-in driver.

Lulan ang mga biktima ng trailer truck na may plakang  CTN-599 na pag-aari ng Bangkal  Trucking Company at bumabagtas sa may EDSA Magallanes nang big­lang sumabog ang hulihang gulong nito.

Nawalan ng giya ang trak, bumaligtad at nadaganan si Gupa na nakaupo sa liku­rang bahagi ng sasakyan. Tumi­lapon naman sina Garcia at Madarang na na­daganan ng mga karton at tu­mama ang ulo sa kon­kre­tong kalsada.

Ihahatid sana ng mga biktima sa Batangas ang ka­nilang kargamento nang ma­aksidente. (Rose Tamayo-Tesoro)