Palasyo pumalag sa payo ni Bro. Mike

Binalot ng takot at tensiyon ang The Fort makaraang  isang higanteng kompanya ng call center dito ang  nakatanggap ng text message na isang malakas na bomba ang nakatanim sa kanilang gusali at nakatakda itong sumabog anumang oras, kahapon ng madaling-araw sa Taguig City.

Dahil dito, ay nag-unahan palabas sa gusali ng Ambergris Solution sa 3rd at 4th  sa Market Market ng The Fort, na­banggit na lungsod ang mahigit sa 2,000 call center employees na pawang nakaranas ng sobrang nerbiyos bunga ng nasabing  bomb threat.

Nabatid na tumagal din sa halos tatlong oras natigil ang tran­saksiyon sa loob ng na­sabing kompanya makaraang respon­dehan ng mga tauhan ng pulisya na nagsagawa ng clear­ing operations.

Batay sa ulat na ipinarating kay P/Supt. Alfred Corpus, hepe ng Taguig City Police, dakong ala-1:30 ng madaling-araw nang ma­ka­tanggap ng text message ang isang opisyal ng Human Re­sources Department ng Am­bergris na may bombang naka­tanim sa loob ng nasabing gu­sali at anumang oras ay naka­takda na itong sumabog.

Dahil dito ay napilitan silang alarmahin at palabasin ang lahat ng empleyado bago inireport sa pulisya ang natanggap na impor­masyon. Agad na nagsagawa ng clearing operations ang bomb and explosives team ng pulisya sa nasabing gusali at lumitaw na nega­tibo ito sa anu­mang bomba o eksplosibo. (Rose Tamayo-Tesoro)