The healing power of love and laughter

Nabahiran na ng dugo ang kabi-kabilang panggi­gipit kay Genuine Opposi­tion (GO) senatorial bet Alan Cayetano nang tam­ba­ngan at mapatay ang isa sa mga political leader nito, samantalang sugatan na­man ang isa pa sa lungsod ng Taguig.

Si Epimaco Pepito, 49, may-asawa, retired Phil Army member at residente ng #61 8th St., Purok 10-B, Zone 1, Signal Village, ay idineklarang dead on the spot dahil sa tinamong mga tama ng bala sa iba’t ibang bahagi ng kata­wan. Suga­tan naman ang kasamahan nito na inoobser­ba­han sa Orthopedic Hospital na kini­lalang si Minda C. Fer­nan­dez, 54, #37 Chesa St., Zone 1, Signal Village.

Sila ay mga tauhan ni Dis­­trict  2 congressional bet ret. Gen. Arturo Alit na ma­nok naman ni Cayetano. Ka­tung­gali ni Alit si con­gressional bet Henry Jun Duenas.

Nabatid na pasado ala-1 ng madaling-araw ka­hapon, kagagaling lamang nina Pepito at Fernandez sa G-House ni Alit nang big­la na lamang silang papu­tukan ng tatlong mga sus­pect habang sakay ng isang Tamaraw FX. Hinala ng ilan, posible uma­nong si Alit ang target ng mga sa­larin at napagkamalan lamang ang mga biktima.

Sa congressional race ng District 2 sa Taguig, na­ngu­­nguna sa bilangan si Jet Reyes, habang naka­dikit sa kanya si Alit at pang-ilalim naman si Duenas.        

Ayaw magsalita ni Alit kung sino ang kanyang pinaghi­hinalaan, ngunit sa panayam, sinabi nitong ‘there is strong possibility na pulitika,  pero ayaw ko pa munang mag-comment.’

Sa kaugnay na balita, tuluyan nang nakamit ang panalo ni Taguig 1 District congressional bet Ma. Laarni ‘Lani’ Cayetano nang talunin nito ang ka­tunggaling si Arnel Men­diola Cerafica sa lamang na 2,489 votes na kakampi naman ni Tinga.

Si Lani ay nakakuha ng 30,969 votes kontra kay Cera­fica na  may 28,480 boto, samantalang malayo naman sa kanila ang isa pang con­gressional bet na si Jose Pepe Capco sa botong 5,558.