Upgrading ng Maynilad tiniyak

Kasalukuyang tinututukan ng mga bagong may-ari ng Maynilad, ang DMCI-Metro Pacific Consortium ang maagap at tuluy-tuloy na upgrading ng mga pasilidad ng kumpanya para matiyak na naaayon sa pandaigdigang pamantayan ang mga operasyon nito.

Ipinahayag kamakailan ng DMCI-Metro Pacific Corporation ang paninindigan matapos nitong tanggapin ang dalawang ISO certification na iginawad kamakailan sa mga planta nito ng TUV-SUD Philippines, isang indipendiyenteng auditing firm.

Sa naturang certification, kinilala ang La Mesa Treatment plant 1 at 2 bilang nag-iisang water treatment plant sa Metro Manila na nakasunod sa pandaigdigang pamantayan para sa quality management system ng planta.

Patunay ang ISO na umaayon ang Maynilad sa pinakamataas na pamantayan sa water purification at treatment processing nito.