Kinilala lamang sa pangalang Sonny ang biktima, isang mangingisda at residente ng Brgy. Kalawan ng lungsod na ito.
Ayon kay PO2 Melvin Mendoza, may hawak ng kaso, naganap ang insidente dakong alas-12:45 ng madaling-araw habang nakikipag-inuman ang biktima sa kanyang mga kaibigan sa likod bahay ng isang Mario Belen sa no.116 Tatco St. Brgy. Kalawaan ng lungsod na ito.
Nabatid na sa gitna ng inuman ay bigla na lang umanong sumakay ng bangka ang biktima at ilang saglit ay tumalon ito sa ilog.
Agad namang sinaklolohan ang biktima ng kanyang mga kainuman at nilangoy ang lugar na pinagtalunan nito subalit hindi na nila ito nasagip hanggang sa magpasya na humingi ng tulong at isinagawa ang rescue operation upang nasagip ang biktima.
Makalipas ang ilang oras ay bangkay na itong natagpuan. (Edwin Balasa)