Presyo ng LPG nagbaba uli ng P5.50 kada tangke

Dahil sa patuloy na pag baba ng presyo ng contact price sa pandaigdigang pamilihan ay muling nagbaba ng 50 sentimos kada kilo o katumbas na P5.50 kada 11 kg na tangke ang presyo ng Liquified Petrolium Gas (LPG).

Ayon kay LPG Mar keters Dealers Association President Arnel Ty, ito na ang ika-apat na rollback na kanilang ginawa ngayong taon na ito at una ngayong buwan ng Pebrero.

Nabatid kay Ty na da kong alas-12:01 ng madaling-araw kahapon ng kanilang ipatupad ang panibagong rollback sa kanilang produktong cooking gas. Ang LPGMA ay siyang dealer ng Omni, Cat, Sula, Pinnacle at Island Gas.

Paliwanag ni Ty na ang rollback ay bunsod nang patuloy na pagbaba ng contact price ng produkto sa world market at kung ganito pa rin ang mangyayari sa mga susunod na linggo ay hindi imposible ang paniba gong rollback sa mga susunod ding araw.

"Pwede pa ang isa pang rollback next week dahil sa malaking binaba ng contact price nito sa world market at kung ganito pa rin ang trend sa mga susunod na linggo ay possible pa rin na magtuluy-tuloy ang rollback namin", pahayag ni Ty.

Dahil sa panibagong rollback ng LPGMA ay ina asahan na susunod ang iba pang kompanya ng langis.