Idineklarang dead on arrival sa Ospital ng Maynila ang biktimang si Herbert Caballero, Jr., ng no. 4856 Int. E-7 San Marcos St. Old Sta. Mesa, Maynila habang agad namang tumakas ang suspect na si Buddy Reyes, 19 at isang Aren Cardenas, 20 kapwa miyembro ng True Brown Style gang (TBS).
Batay sa ulat ng Manila Police District-Homicide Section, dakong alas 10:35 ng gabi nang maganap ang insidente sa panulukan ng Batanes at Mindanao Ave. sa Sampaloc, Maynila.
Lumilitaw na galing sa lamay ang biktima kasama ng kanyang amang si Herbert Caballero, Sr. at kinakasama nitong si Carolina Dugay at sakay ng isang tricycle nang harangin ng dalawang suspect na kapwa armado ng baril.
Walang sabi-sabing pinaputukan ng isa sa mga suspect ang nakatatandang Caballero subalit nahagip nito ang nakababatang Caballero.
Nabatid na ang kaibigan ng nakatatandang Caballero ang target ng mga suspect at nadamay lamang ito.
Pinaghahanap naman ng mga awtoridad ang dalawang tumakas na suspect. (Danilo Garcia)