Nakilala ang mga nakapugang preso na sina Harlem Santos, 17; Arturo de Lima, 25; Roderick Acantilado, 23; Roger Mijares, 16; Jason Jabaan, 18; Ronald Robles, 28, at Gilbert Mariano, 25, pawang may kasong theft at robbery/ holdup.
Agad namang sinibak ni Senior Supt. Geronimo Reside, hepe ng Caloocan City Police si Chief Inspector Buenvenido Santianes, hepe ng Sub-Station 1 na dito naganap ang pagpuga ng mga preso.
Pansamantalang ipinalit kay Santianes si Chief Inspector Rio Gatacillo.
Ayon sa ulat, dakong alas-2:45 ng madaling-araw nang madiskubre ang pagtakas ng mga preso. Nabatid na nagawang makapuga ng mga ito sa pamamagitan ng pagputol sa dalawang rehas na bakal habang wala ang nagbabantay na si SPO1 Ermin Hipolito. Dahil wala ni isang pulis ay malayang nakalabas ang mga suspect hanggang sa tuluyang nakatakas.
Samantala, dakong alas-10 ng umaga isinuko naman ng kanyang mga magulang ng isa sa mga pumuga na si Santos, habang ang isa pa na nakilalang si Acantilado ay naaresto sa isinagawang operasyon sa Libis Sta. Quiteria sa nabanggit na lungsod.
Isang manhunt operation pa ang inilunsad laban sa lima pang pugante. (Ellen Fernando)