Bukod dito, tinalian pa na parang mga baboy ang driver at pahinante ng truck at saka itinapon sa Cavite.
Sa limang suspect, nakilala ang isa sa mga ito na si Dennis Gonzales, empleyado ng Ximer Delivery Express (XDE) Company na nakatalaga sa Sucat Branch, habang inaalam pa ang pangalan ng apat pang kasabwat nito sa pangha-hijack.
Sa inisyal na ulat ng pulisya, naganap ang insidente dakong alas-2 ng madaling-araw sa kahabaan ng Sucat Highway sa nabanggit na lungsod habang binabagtas ng delivery truck na may plakang TNF-515 na naglalaman ng 951 kahon ng ibat-ibang uri ng gamot nang harangin ito ng isang sasakyan na sakay ang mga suspect.
Itinali ang mga pahinante rito at saka dinala sa Tanza, Cavite na doon sila iniwan, habang tuluyang dinala ang mga idedeliber na gamot.
Patuloy naming nagsasagawa ng follow-up operation ang pulisya ukol dito. (Lordeth Bonilla)