Ayon kay Supt. Felicidad Gido, hepe ng Quezon City Police District-Galas Police Station, hindi pa matukoy ang pagkakakilanlan sa napatay na suspect na nagtamo ng maraming tama ng bala ng baril sa iba’t ibang bahagi ng katawan.
Pinaghahanap naman ang kasamahan nitong suspect na mabilis na nakatakas at nakilala lamang sa alyas na Bentong na lumilinya sa naturang lugar.
Samantala, nadamay naman sina Savilla Baga, 51; at Marlon dela Cruz, 20. Nabatid na si Baga ay tinamaan ng ligaw na bala habang sakay ng tricycle, samantalang nag-iihaw naman si dela Cruz na tinamaan din sa naganap na putukan.
Batay sa imbestigasyon ng pulisya, naganap ang insidente dakong alas-2:45 ng hapon sa panulukan ng Cordillera at E. Rodriguez Sts. sa Quezon City.
Patungong Quiapo ang isang FX taxi na may plakang PWN-949 nang mamataan ng mga nagpapatrulyang pulis ang nagaganap na holdapan dito. Nauwi ito sa habulan hanggang sa manlaban ng putok ng baril ang mga suspect habang tumatakas.
Gumanti rin ng putok ang mga pulis na ikinasawi ng isa sa mga holdaper at ikinasugat ng dalawang bystander.