Kabilang sa mga pinapaaresto ni Manila RTC Branch 9 Judge Amelia Tria-Infante sina Ma. Eric Davantes alyas Mikaela Monteverde; Ma. Teresa Medalla a.k.a. Jeannette Joaquin; Milena Villacruz a.k.a. Ivory Ibañez; Karen Carillo a.k.a. Pantene Palamino; Victoria Santos a.k.a. Pantene Palma at Ma. Czarina Lan Rivera a.k.a. Lux Laurel na tatlong buwang buntis.
Wala namang inirekomendang piyansa ang korte laban sa anim na sexy starlets kahit na ang kaso nila ay grave scandal lamang.
Hindi naman napabilang sa kaso ang kanilang manager na si Lito de Guzman na siyang promoter ng ‘nude scandal’ sa Baywalk nang magsagawa ng pictorial ang mga ito sa harap ng publiko matapos na i-dismiss ng Manila Prosecutor’s Office ang kaso laban dito dahil sa hindi umano ito naghubad kundi ang kanyang mga alaga lamang.
Ang pagpapalabas ng warrant of arrest ay bunsod sa pagkabigo ng mga miyembro ng Baywalk Bodies na sumipot sa mga pagdinig sa korte ng ilang beses dahil sa kasong grave scandal na isinampa ni 6th District Councilor Greco Belgica. (Gemma Amargo-Garcia)