Chinese, 9 pa timbog sa drug-bust

Nalambat ng mga kagawad ng Manila Police District(MPD)- District Anti-Illegal Drugs Special Operations Group ang sampung tulak ng droga kabilang ang isang Chinese sa isinagawang buy-bust operation sa magkakahiwalay na lugar sa nabanggit na lungsod.

Kinilala ni MPD-OIC Senior Supt. Danilo Abarsoza ang suspect na sina Richard Chua, alyas Ji Cai Chua, 21; Ben Ara, 39; Marco Antonio, 37; Joel Antonio; Eduardo Bautista; Arnel Sacdalan, 36; Marivic dela Cruz; Roger Cabray; Joven Melandrez at Lea Umali.

Ang pagkakaaresto sa mga suspect ay bunsod sa isinagawang surveillance at nang mag-positibo ay itinakda ang buy-bust operation.

Inihahanda na ang kaso laban sa mga nadakip. (Gemma Amargo-Garcia)