Dakong ala-1 ng madaling-araw nang unang barilin si Christopher Bustamante, 19, ng 1319 New Antipolo St., nabanggit na lungsod.
Nakatambay umano sa loob ng isang bilyaran ang nasabing biktima sa Cavite St., Tondo nang biglang lapitan ng suspect na kinilalang si Pepe Soliongco at pagbabarilin ito.
Dakong alas-4 naman ng madaling-araw nang madiskubre ang bangkay ng isang German Esguerra, 27, helper at residente ng 1161 Asuncion St., Tondo sa loob ng binabantayang tindahan nito sa Padre Rada Market, Tondo.
Nagtamo ng isang tama sa bumbunan ang biktima na naging sanhi ng kanyang agarang pagkasawi.
Isang masusing imbestigasyon naman ang kasalukuyang isinasagawa ng pulisya upang alamin ang motibo sa pamamaslang sa mga biktima. (Danilo Garcia)