Kasong katiwalian laban sa LTO chief, inihahanda

Ikinakasa ang kasong katiwalian laban kay Land Transportation Office chief Anneli Lontoc sa tanggapan ng Ombudsman ng isang grupo ng mga pribadong may-ari ng Private Emission Testing Center (PETC) sa bansa.

Nabatid na mula sa Laoag, Nueva Viscaya, La Union, Laguna, Bicol, Olongapo City, Samar, Capiz at Oriental Mindoro ang mga maghahain ng kasong graft at dereliction of duty laban kay Lontoc.

Ayon sa isang Cookie Locsin, malinaw umanong nagkaroon ng sabwatan ang ilang opisyales ng Department of Transportation and Communications (DoTC) at ng tanggapan ni Lontoc dahil umano sa ilan sa mga may emission testing center partikular na ang pag-aari ni Antonio Halili, presidente ng grupong private Emission Testing Center Owners Assocition (PETCOA) ay nabigyan ng authorization kahit wala umano itong Department of Trade and Industry (DTI) accredition. (Rose Tamayo-Tesoro)