Nabatid kay Supt. Napoleon Cuaton, hepe ng Station Investigation Division Management Bureau ng Caloocan City Police na madalas makatanggap ng mga tawag sa telepono ang pamilya ni Orsolino at maging ang mga testigo na nagbabantang may mangyayari sa kanilang masama kung hindi sila uurong sa kaso.
May mga hindi kilalang kalalakihan din ang umaaligid sa bahay ng mga naulila ng pinaslang na mediaman,
Samantala, inilatag na kahapon ng pulisya ang pagtugis laban sa mga suspect na sina JO2 Ramon Rivera ng Cainta Municipal Jail; JO2 Reynaldo Nicolas ng Navotas Municipal Jail; Frank Sabe Sr. at Rolando Manaog.
Magugunitang si Orsolino, ng pahayagang SAKSI ay tinambangan at napatay ng dalawang lalaking lulan sa isang motorsiklo noong Mayo 16 dakong alas-9:30 ng umaga sa Hannival Gasoline Station sa Letre, Caloocan City. (Rose Tamayo-Tesoro at Grace dela Cruz)