Si Juday ay sinamahan ng kanyang kuya na si Jeffrey Santos at ng kanyang bagong abugado na si Atty. Michael Ancheta nang dumalo sa naturang arraignment.
Ipinasya naman ni Judge Ernesto Acosta ng CTA na dinggin ang naturang usapin sa Hulyo 22 ng taong ito matapos magharap ng motion for reconsideration ang kampo ni Juday hinggil sa kanyang kaso.
Ang kasong tax evasion ng aktres ay nag-ugat nang madiskubre ng Bureau of Internal Revenue (BIR) na hindi nito naideklara ang tamang kinita noong taong 2002.
Nalaman ng BIR na umaabot sa mahigit sa P16 na milyon ang kinita ni Judy Ann Santos noong 2002 sa kabila ng pagdedeklara lamang nito ng mahigit sa P8 milyon. Dahil dito, ayon sa BIR may mahigit sa P2 milyon ang tax deficiency o hindi nabayarang buwis ng aktres. (Angie dela Cruz)