Shabu queen sa Pasig, arestado

Nalambat ng pulisya ang isang 43-anyos na babaeng tulak na tinaguriang "shabu queen" ng Pasig City sa isinagawang buy-bust operation, kamakalawa ng hapon sa nasabing lungsod.

Nakilala ang nadakip na si Marriam Muce, alyas "ate", residente ng Kenneth Road, Brgy. Pinagbuhatan ng nasabing lungsod.

Nasakote ang suspect dakong alas-2:30 ng hapon nang magsagawa ng buy-bust operation ang mga tauhan ng EPD sa bahay ng suspect matapos ang ulat na talamak ang ginagawa nitong pagbebenta ng droga.

Nasamsam sa suspect ang mga shabu na nagkakahalaga ng P100,000 at ang marked money na ginamit sa operasyon.

Itinanggi naman ng suspect na siya ay big-time na tulak ng droga. (Edwin Balasa)