Kinilala ng pulisya ang mga naaresto na sina Jonathan Legaspi, 20; Carlos Buitizon, 25; Ronald Doctor, 21; Joseph Castillo, 24 at Reynaldo Lerio, 18.
Batay sa ulat ng pulisya, dakong alas-4:30 ng umaga nang maaresto ang mga suspect sa EDSA sa panulukan ng Gen. Simon St., Brgy. 81, Caloocan City makaraang biktimahin ng mga ito ang isang babaeng barangay tanod.
Nabatid sa biktimang si Maria Nona Cabrido, 40, ng 122 B. Natividad St., Brgy. 81 na kasalukuyan umano niyang ginagamit ang kanyang cellular phone nang lapitan siya ng mga armadong suspect na agad na nagdeklara ng holdap.
Habang puwersahang kinukuha umano ng mga suspect ang handbag ng biktima ay nagawa namang makapag-text pa ng huli sa 117 at makahingi ng saklolo sa pulisya.
Kaagad namang nakaresponde ang mga elemento ng Caloocan City Police at naabutan pa ng mga ito ang mga suspect at agad na naaresto. (Rose Tamayo Tesoro)