Inaway ni Ate, binata nagbigti

Winakasan ng isang 17-anyos na binata ang kanyang buhay sa pamamagitan ng pagbibigti matapos na awayin ng kanyang kapatid, kamakalawa ng gabi sa Caloocan City.

Ang biktimang si Daryl Topang, ng #5 Salve Compound, C. Namie St., nabanggit na lungsod ay wala nang buhay nang matagpuan ng kanyang bayaw na si Arnold Aranilla, mister ng kanyang nakaaway na ate, dakong alas-8:30 ng gabi.

Lumalabas sa imbestigasyon na isang electrical cord ang ginamit ng biktima sa pagbibigti na itinali sa steel grill ng dirty kitchen ng kanilang bahay, habang ang dulo naman nito ay ipinulupot sa kanyang leeg.

Bago ang pagkakatagpo sa bangkay ay unang nagkaroon ng pag-aaway sa pagitan ng una at nakatatandang kapatid nito na si Joyce sa hindi nabatid na dahilan.

Matapos ito ay dali-daling nagkulong sa kuwarto ang biktima hanggang sa isagawa nito ang pagpapakamatay. (Rose Tamayo-Tesoro)