Ex-mayor sa Ilocos Sur biktima ng karnap

Isang dating alkalde sa Ilocos Sur ang panibagong biktima ng karnap sa Quezon City makaraang tangayin ng hindi nakikilalang mga suspect ang kanyang sasakyan habang nakaparada sa may Project 3, sa nabanggit na lungsod.

Nakilala ang biktima na si Jose Bunoan, dating mayor ng Tagudin, Ilocos Sur at residente ng #22 Yakal St., Brgy. Amihan, Quezon City.

Ayon sa biktima, dakong alas-10 ng gabi nang kanyang iparada sa tapat ng kanyang bahay ang kanyang Nissan Urvan, may plakang WSH-288 at nang silipin niya ito ng magmamadaling-araw ay wala na ang kanyang sasakyan.

Ipinaalarma ni Bunoan sa mga awtoridad ang pagkawala ng Urvan. (Doris Franche)