Fetus sa garapon nahukay

Isang fetus na nakalagay sa garapon ang nahukay ng mga obrero kahapon ng hapon sa Quezon City.

Sa imbestigasyon ni PO2 Jonathan Bardaje ng Quezon City Police- Cubao Police Station 7, ang fetus sa garapon ay nakuha nina Jomar Ranesis, 22; at Jun Binas, 25, kapwa obrero.

Dakong alas-4:45 ng hapon ng naghuhukay ang dalawa sa Unit 18 Garden Villas, Garden Island Conville sa no. 74 Valencia Quezon City ng pagbabaunan ng linya ng tubig.

Laking gulat nila nang mapansin ang isang garapon.

Una nilang inakalang ordinaryong garapon lamang ang nakita subalit laking gulat nila nang mapansin ang hugis bata sa loob ng garapon.

Dito na tumawag sa pulisya ang dalawa kung saan agad na inimbestigahan ang lugar. (Doris Franche)