Nagtamo ng saksak sa katawan ang biktimang si Angelo Calma ng Blk. 6 E. Rodriguez Sr., Quezon City at ngayo’y ginagamot sa Delos Santos Hospital.
Mabilis namang nadakip ang suspect na si Reynaldo Olivar na taga Pangasinan.
Batay sa isinagawang imbestigasyon ni PO3 Eulogio Nolasco ng Quezon City Police District-Galas Police Station 11, naganap ang insidente dakong ala-1 ng madaling-araw sa kahabaan ng E. Rodriguez, Quezon City.
Naglalakad ang biktima nang bigla na lamang sumulpot ang suspect at sipain ang una sa likuran.
Dahil dito, tumakbong pauwi ang biktima at kumuha ng kutsilyo at hinamon ang suspect.
Hindi naman akalain ng biktima na may dala ding patalim ang suspect hanggang undayan ito ng saksak ng huli. (Doris Franche)