Kinilala ni Senior Insp. Benjamin Elenzano, hepe ng Station Investigation Bureau ng QCPD Anonas Station ang suspect na si Raul Yancha, 33, ng #B-7 Kaingin Road, Brgy. Pansol, Quezon City.
Batay sa pahayag ng biktimang itinago sa pangalang Karen, 12, out-of-school youth, sinimulan siyang gahasain ng ama noong siya ay 9-taong gulang pa lamang hanggang sa paulit-ulit at maging araw-araw.
Aniya, tuwing wala ang kanyang ina ay doon siya pinagsasamantalahan at tinatakot pa ito na papatayin kapag nagsumbong sa kanyang ina.
Kamakalawa ng gabi, dakong alas-11 nang maaktuhan ng ina ng biktima na kapwa hubo’t hubad ang biktima at asawa nito na magkapatong.
Dito kinumpronta ng babae ang asawa subalit mabilis itong nagtatakbo na agad ding nasukol ng mga nagpapatrulyang barangay tanod.
Pagdating sa himpilan ng pulisya, ibinunyag ni Karen ang kanyang mapait na sinapit sa kamay ng sariling ama. (Doris Franche)