Ayon kay Nestor Andalucia, Brgy. chairman ng Brgy. Sienna, ang suspect na si Nico Quizon, 16-anyos na anak ni Freddie Quizon ay pinaghahanap bunga ng pagkamatay ni Joel Tulabot, ng Banawe St., nabanggit na lungsod na nagtamo ng tatlong malalalim na saksak sa iba’t ibang parte ng katawan.
Nabatid pa sa pulisya na bukod kay Tulabot ay nagtamo rin ng sugat sa kamay ang isang Julius Ibanez, 16-anyos sa nabanggit na insidente.
Base sa ulat ng pulisya, naganap ang insidente dakong alas-4:30 ng madaling araw sa panulukan ng Banawe St., at Sct. Alcaraz, Quezon City.
Napag-alaman na dadalo sana sa Simbang Gabi ang mga biktima kasama ang isang Weng Ibanez nang biglang harangin at sugurin ng grupo ni Nico na umano’y armado ng iba’t ibang uri ng patalim.
Isang security guard naman ang nakakita sa ginawang pananaksak ni Nico sa biktimang si Tulabot.
Matapos ang pamamaslang ay parang walang nangyaring naglakad papalayo ang grupo ni Nico na sinasabing mga miyembro ng True Brown Style (TBS) gang.
Matatandaan na nasangkot din noong nakaraang taon ang isa pang apo ni Dolphy sa isang insidente na ikinamatay ng una.