Sa report ni SFO1 Wilson Tana, ng Manila Fire Dept., dakong ala-1:25 ng hapon nang magsimula ang sunog sa loob ng isang opisina ng Marine Gym sa compound ng embassy sa kahabaan ng Roxas Blvd. sa Ermita.
Isang di-nagpakilalang empleyado ng embassy ang nakaamoy na mayroong nasusunog kaya agad nitong ipinagbigay-alam sa mga nakatalagang security personnel na naireport naman sa Manila Fire Department.
Bagamat pinapasok ang mga kagawad ng pamatay-sunog sa loob ng embassy, limitado naman ang galaw ng mga fire investigator at tanging mopping operations lamang ang isinagawa.
Ganap na ala-1:50 nang ideklarang fire out ang sunog.
Hinihintay naman ng mga fire investigator ang clearance mula sa mga opisyales ng US Embassy sa pag-iimbestiga kung ano ang dahilan ng sunog bilang bahagi ng standard operating procedure ng embahada. (Gemma Amargo-Garcia)