Ginagamot sa Ospital ng Makati ang biktimang si Francisco Ofrill, ng #1720 Dian St., Brgy. Palanan, ng lungsod na ito sanhi ng saksak sa katawan.
Nakakulong naman sa Makati City Police Station ang suspect na si Judy Barsa, 45, ng nabanggit ding lugar.
Sa imbestigasyon ng pulisya, naganap ang insidente dakong alas-7 ng gabi sa kahabaan ng Emilia St., Brgy. Palanan, Makati City.
Parehong pedicab driver ang biktima at suspect na nag-agawan sa mga pasahero hanggang sa magkaroon ng mainitang pagtatalo.
Nakahagilap ng patalim ang suspect at inundayan nito ng saksak ang biktima.
Nadakip naman nang rumespondeng mga pulis ang suspect, habang ang biktima ay kaagad na isinugod sa nabanggit na pagamutan. (Lordeth Bonilla)