Labing-apat na tama ng bala ng baril ang kumitil sa buhay ng biktimang si PO3 Salvador Gutierrez, 47, na nakatalaga sa Police Community Precint sa Quezon City Police District-Anonas Station at residente ng 36 Tacloban. Brgy. Culiat, Quezon City.
Sa inisyal na imbestigasyon, dakong alas-9:20 ng umaga nang maganap ang pananambang sa harap ng isang sari-sari store sa 509 Sunflower St., Brgy. Central.
Napag-alaman na nakatambay sa isang tindahan ang biktima nang biglang lapitan ng suspect at walang sabi-sabing pinaulanan ng bala ng baril.
Hindi pa mabatid ng pulisya kung ano ang motibo sa isinagawang pagpaslang, habang patuloy namang kinikilala ang suspect kasabay ng manhunt operation laban dito. (Angie dela Cruz)