Empleyado, nagbigti

Sinisiyasat ngayon ng pulisya ang pagkamatay ng isang babae na empleyado ng calibration center kahapon ng madaling-araw sa Quezon City.

Lawit pa ang dila ng biktimang si Ruby Chenel, 23, nang matagpuan sa compound ng Diamond Diesel Calibration at residente ng 15th St. Brgy. San Roque ng nabanggit na lungsod.

Sa ulat ni PO3 Romeo Tandas ng QCPD-CID natagpuan ang bangkay ng biktima dakong alas-6 ng umaga na nakabitin sa isang malaking punong kahoy sa compound ng nasabing calibration center.

Ayon kay Randy Encarnacion, kasamahan ng biktima, kainuman niya ito kamakalawa ng gabi kung kaya’t laking gulat niya nang makita itong nakabigti ng nylon cord.

Iniimbestigahan naman ni Supt. Filipinas Papa ng QC-Crime Laboratory ang insidente upang malaman kung may foul play. (Doris Franche)