Selosong mister, utas sa taumbayan

Dala ng matinding selos, isang ginang ang pinagsasaksak hanggang sa mapatay ng kanyang mister na inutas din ng taumbayan kahapon ng madaling-araw sa Pasay City.

Dead-on-the-spot ang mga biktimang sina Lornita Dangoy-Paler ng No. 361 Mulawin St. Maricaban, Pasay City sanhi ng mga saksak sa katawan at mister nito na si Rudy, 34 na kinuyog at pinagtulungang bugbugin ng mga residente.

Sa report ng pulisya, naganap ang insidente dakong ala-1:45 ng madaling-araw sa loob ng bahay ng mag-asawang Paler.

Nagtalo umano ang mga ito hinggil sa pagseselos ni Rudy kay Lornita hanggang sa mauwi sa saksakan. Narinig naman ito ng mga kapitbahay ni Lornita hanggang sa makita nila itong naliligo sa sariling dugo.

Tinangka naman ni Rudy na tumakas subalit agad din itong nasakote ng mga residente na pinagtulungang bugbugin hanggang sa mamatay.