Fetus itinapon sa gilid ng simbahan

Isa na namang 7-buwang fetus ang natagpuan sa isang kanal sa gilid ng simbahan kahapon ng umaga sa Caloocan City. Batay sa ulat, dakong alas-7 ng umaga nang matagpuan ang fetus sa gilid ng Our Lady of Grace Parish sa panulukan ng 2nd St. at 11th Ave. sa naturang lungsod.

Malaki ang paniniwala ng pulisya na posibleng inilaglag ang bata dala na rin ng kahirapan. Sa kabila nito, binasbasan din ng pari ang fetus at inilagak sa Eusebio Funeral Homes. (Ulat ni Rose Tamayo)