Ginang namroblema sa pera, nagbigti

Pagbibigti ang naging solusyon ng isang ginang sa kanya umanong problemang pinansiyal, kamakalawa ng hapon sa Caloocan City.

Patay na nang matagpuan sa loob ng kanilang bahay si Norma Quisel ng Libis Baesa ng nabanggit na lungsod ng kanyang anak na si Maria Diane Leonor, 16.

Nabatid na gumamit ng isang nylon cord ang biktima na itinali sa kanyang leeg at ang kabilang dulo ay sa biga ng kanilang bahay.

Ayon sa ilang kaanak ng biktima, bago ang insidente si Quisel ay napansin nila na laging wala sa sarili at nag-iisip ng malalim at kapag tinatanong kung ano ang problema ay isinasagot nito ay ang kakapusan umano ng panggastos araw-araw. (Rose Tamayo)