28 arestado sa ilegal na pasugalan

Dalawampu’t walo katao ang inaresto ng mga operatiba ng PNP-Criminal Investigation and Detection Group matapos suyurin ang mga ilegal na pasugalan sa Maynila.

Ayon kay PNP-CIDG director Ricardo Dapat, ang random operations ay alinsunod sa pinalakas na anti-illegal gambling campaign ng pamahalaan.

Nasamsam sa operasyon ang P1,576 gambling bets, mga gambling paraphernalias at kung anu-ano pa.

Nasamsam din ang ilang TV sets, mga telepono na ginagamit sa bookies operation, gayundin ang ruta na ginagamit naman sa recording ng horse -racing bets.

Sa nasabing operasyon, 28 katao ang nasakote hanggang sa nangangasiwa sa nasabing mga ilegal na pasugalan.

Nahaharap ngayon ang mga suspect sa kasong paglabag sa Republic Act 1602 o ang Anti-Illegal Gambling Law. (Ulat ni Joy Cantos)