Nursing student patay sa saksak, 1 pa sugatan

Hindi akalain ng isang nursing student na ang kanyang pagtatanggol sa kaibigang babae ang magiging dahilan ng kanyang kamatayan at pagkasugat ng kanyang kaibigan sa Quezon City.

Dead on arrival sa Manila Central University Hospital ang biktimang si Jeffrey Lazo, 21, ng St. Agustine College at residente ng No. 619 Gemini St. Greenville Subdivision, Caloocan habang ginagamot naman sa QCGH ang kaibigan nito na si Roland Soledad, 16 ng Rd. 18, Proj. 8, Q.C.

Sa imbestigasyon ng pulisya, naganap ang insidente dakong alas-10:30 ng gabi sa No. 21 Rd. 18, Proj. 8 ng nabanggit na lungsod nang papasakay ng tricycle ang babae na nakilala lamang sa pangalang Janine at halikan ng isa sa mga suspect na si Allan Cruz.

Nagalit si Lazo kay Cruz na nagkaroon ng mainitang pagtatalo na nakita naman ng iba pang kaibigan ng suspect hanggang sa tulungan itong saksakin.

Umawat naman si Soledad kung kaya’t pinagbalingan din ito ng mga suspect. Matapos ito ay agad na tumakas ang mga suspect. (Doris Franche)