Grade 4 pupil, nalunod

Patay ang isang grade 4 pupil makaraang malunod nang maligo sa isang malalim na hukay kasama ang dalawang kaklase kamakalawa ng hapon sa Valenzuela City.

Lumobo pa ang tiyan ng biktimang si Carlo Damian, 9, ng No. 515 Quirino Highway, Brgy. Talipapa, Q.C. nang makuha ang bangkay nito dakong alas-2 sa isang hukay sa Sitio Sulok, Brgy. Ugong, Valenzuela City.

Lumilitaw na nagkayayaan ang biktima at ang dalawa nitong kaklase na sina Richard Locloc at Alejo Ronquillo na maligo sa nasabing hukay.

Hindi inaasahang napagawi ang biktima sa malalim na hukay kung kaya’t agad itong lumubog hanggang sa malunod.

Mabilis namang nakahingi ng tulong sina Locloc at Ronquillo subalit hindi na rin naisalba ang buhay ng biktima. (Rose Tamayo)