Patay na ng idating sa ospital ang biktimang nakilalang si Rodolfo Fallorin, ng Homabon St., Velasquez, Tondo dahil sa tama ng saksak sa katawan.
Mabilis namang tumakas ang kuya nito na si Octavio, 45. Nahaharap ito sa kasong parricide.
Naganap ang insidente dakong alas- 8 ng umaga sa labas ng bahay ng pamilya Fallorin.
Ayon sa kanilang bunsong kapatid na si Oriam, 19, dumating umano ang utol nilang si Rodolfo na lango sa alak at nagtungo sa nakaratay nilang ina na si Aling Leoning na may sakit sa puso.
Nabatid na kinukulit umano ito ng biktima sa kabila na may nararamdaman ito sa katawan sanhi upang magalit ang kanilang kuya na si Octavio.
Nagalit ang nasawi at nakipag-murahan pa sa kanilang kuya, hindi naman nakapagpigil ang huli at kumuha ito ng patalim at saka sinaksak ang kapatid. (Ulat ni Danilo Garcia)