Dakong alas-8:30 ng umaga nang palayain ng Bureau of Corrections si Contenente na tuwang-tuwang sinalubong ng kanyang pamilya.
Matatandaan na noong 1989, hinatulan ng Quezon City Regional Trial Court Branch 88 ng 16 na taong pagkabilanggo si Contenente makaraang mapatunayang kasama ito sa pumaslang kay Rowe. Si Juanito Itaas na siyang primary suspect sa naturang kaso ay naiwang nakakulong sa naturang piitan.
Nabatid na nang mag-apply si Contenente sa Pardon and Parole ng DOJ, naimpluwensiyahan ito ng American government kung kaya nabinbin ang dapat sana’y maaga pa nitong paglaya.
Dahil sa natapos nito ang 16 na sentensiya kaya tuluyan na siyang nakalaya.
Sinabi ng naturang political detainee na anuman ang mangyari ay hindi niya tatalikuran ang pagiging aktibista. Magboboluntaryo siya sa human rights organization para matulungan ang iba pang political detainee. (Ulat ni Lordeth Bonilla)