5 police districts sa MM bubuwagin

Plano ng pamunuan ng Philippine National Police (PNP) na buwagin ang limang police district sa Metro Manila bilang bahagi ng kanilang reorganization program.

Ayon sa isang opisyal ng PNP nagkaroon ng consultation ang mga opisyal ng Directorate for Plans kay Senador Manny Villar kung saan napag-usapan ang pagbuwag sa limang police district na kinabibilangan ng WPD, CPD, EPD, SPD at NPD.

Subalit ayon sa opisyal pag-aaralan pa rin ito ng mga kinauukulan upang matiyak na makikinabang ang publiko.

Nabatid na plano din na ang Directorate for Research and Development (DRD) ay isailalim na lamang sa Directorate for Logistics habang ang Directorate for Human Resources and Doctrine Development (DHRDD) ay sasakupin naman ng Directorate for Personnel and Records Management (DPRM). (Ulat ni Angie dela Cruz)