Nakilala ang biktima na hindi na umabot pang buhay makaraang isugod sa St. Luke’s Hospital na si Jomar Liro, 35, ng Hillcrest St., Brgy. Immaculate Concepcion, Cubao, Quezon City
Isang manhunt operation naman ang isinasagawa ng mga tauhan ng CPD laban sa hindi pa nakikilalang suspect na umano’y suki sa Amboy KTV na nasa Don Alfredo St. sa panulukan ng E. Rodriguez Avenue sa Cubao
Ayon sa ulat, naganap ang krimen dakong alas-12:30 ng madaling-araw sa loob ng naturang videoke bar
Napag-alaman na mag-isang umiinom sa loob ang biktima at paulit-ulit nitong kinakanta ang awiting ‘My Way’ at sa hindi malamang dahilan ay bigla na lamang nilapitan at saka sinaksak ng suspect
Posible umanong nairita ang suspect sa paulit-ulit na pagkanta ng biktima kung kaya pinatahimik ito sa pamamagitan nang pagsaksak
Duguang humandusay ang biktima, habang mabilis namang tumakas ang suspect. (Ulat ni Angie dela Cruz)