Ayon kay Marikina Police chief Senior Supt. Felipe Rojas Jr., pagbagsak ng kanyang negosyo at frustration sa buhay ang dahilan ng isinagawa nitong pagpapakamatay, base na rin sa nakuha sa kanyang suicide note.
"The world is so unfair, sa kabila ng marami akong nagawang kabutihan sa mundo ay nag-fail pa rin ang negosyo ko, mahal na mahal ko kayong lahat," ayon sa suicide note na iniwan ni Borlongan para sa kanyang asawa at mga anak.
Nabatid na dakong alas-10:45 ng umaga kamakalawa nang dumating si Borlongan sa Loyola Memorial Park sa Marikina. Bumili muna ito ng mga bulaklak bago dumiretso sa puntod ng kanyang ina, nanalangin ng may 30 minuto bago tinawagan sa cellphone ang asawa para sabihing mahal na mahal niya ito.
Dakong alas-12:15 ng tanghali nang marinig ng mga security guard sa sementeryo ang malakas na putok ng baril at doon natuklasan ang ginawang pagbabaril ni Borlongan sa sarili sa loob ng kanyang Nissan Pathfinder na sasakyan. (Ulat ni Edwin Balasa)