Nakilala ang biktima na si Victoria Pangilinan, may-ari ng parking lot at ilang mga tindahan at residente ng #361 Maria Payo St., Tondo, Maynila.
Samantala, pinagrereport naman ni WPD Station 11 (Binondo) commander, Supt. Hospicio Guevarra ang ka-live-in ng biktima na si PO1 Elias Gamboa ng Juan Luna Police Community Precinct upang linawin ang kanyang pangalan matapos na akusahan ng mga anak ng biktima na siyang may pangunahing motibo sa krimen.
Base sa ulat ng WPD Homicide Section, natagpuan ng kanyang mga kaanak ang bangkay ng biktima dakong alas-8 ng gabi sa loob ng inuupahan nitong apartment sa Tondo, Maynila.
Isang alyas Jupiter na boy ng isa pang pulis ang nag-ulat sa pulisya ng naturang insidente bago pa man madiskubre ang bangkay nito.
Ayon sa mga kaanak ng biktima madalas umanong takutin ng suspect na pulis si Pangilinan na gagawan ng masama tuwing walang nahuhuthot na pera sa biktima.
Nakapagtataka umano na bigla na lamang nawala si Gamboa matapos ang insidente na hinihinala nilang nagtatago na. (Ulat ni Danilo Garcia)