Sa imbestigasyon ng CPD-CIU, dakong alas 9:30 ng gabi ng pagbabarilin ng suspect ang biktimang si Alvin Bacani, 33, isang tricycle driver ng 1375 Kalapati St. Unt-5, Brgy. Commonwealth ng nasabing lungsod.
Naghihintay ng pasahero ang biktima nang bigla itong barilin ng pitong ulit ng suspect sa harap ng Riverside Market sa Commonwealth Ave. at mabilis na tumakas.
Samantala, nakilala naman sa kanyang identification card ang isa pang biktima na si Wilson Valdez ng Sarmiento St. Brgy. Sta. Monica, Novaliches, Q.C.
Ayon sa pulisya, dakong alas 9:40 ng gabi ng makarinig ng putok ng baril ang mga residente at nakita na lamang nilang nakahandusay na ang biktima at naliligo sa sariling dugo. (Ulat ni Doris Franche)