Kasalukuyang ginagamot sa Makati Medical Center ang biktima na si Benjie Relox, residente ng Phase II, Block II Lot 5 Camacho, Barangka Marikina City.
Lumilitaw sa imbestigasyon na naganap ang insidente dakong alas-11:30 ng gabi sa EDSA overpass sa Brgy. Guadalupe Nuevo, Makati City.
Nabatid na nakasakay sa basket boom ang biktima na nakasabit sa isang heavy equipment ng MMDA habang pinuputol nito ang mga bakal sa bubungan ng overpass.
Aksidenteng napadikit ang biktima sa isang electric wire kung kaya’t nakuryente ito hanggang sa mahulog ito sa basket boom ng MMDA.
Agad namang isinugod ang biktima at kasalukuyan itong inoobserbahan. (Ulat ni Lordeth Bonilla)