Nasawi noon din ang biktimang si Joel Santos, nakatira sa PNR South Compound, malapit sa Magallanes Village ng lungsod na ito. Tumakas naman ang hindi pa kilalang operator ng hindi pa mabatid na body number ng tren.
Sa imbestigasyon ng pulisya, naganap ang insidente dakong alas-8 ng gabi sa PNR South Compound, malapit sa Magallanes Village, Makati City. Nabatid na naglalakad ang biktima sa nabanggit na lugar kung saan paparating naman ang isang tren na galing Bicol patungo ng Maynila.
Nang marinig ng biktima ang busina, bahagyang tumabi ito ngunit minalas pa ring mahagip ito ng tren hanggang sa nakaladkad at nahati ang kanyang katawan na naging sanhi ng agarang kamatayan nito. Napag-alaman na dadalaw lang sa isang kaibigan ang biktima. (Ulat ni Lordeth Bonilla)